د اوکراین ولسمشر او پوځ د روسیې هغه ادعا رد کړې چې ګواکې سولیدار ښار یې نیولی دی.
ولودمیر زلنسکي پرون مازیګر په یوه ویډیويي پيغام کې ویلي، ترهګرو داسې تبلیغ کړی چې ګواکې سولیدار ښار یې نیولی، خو په خبره یې اوس دغه ښار کې جګړه روانه ده.
د اوکراین پوځ ویلي، د روسي پوځیانو ته د دونيڅک سیمې په جګړه کې درنه مرګژوبله اوښتې ده.
په همدې حال کې د کریملن ویاند دیمتري پیسکوف ویلي، روسي ځواکونو اوکراین کې یو څه پرمختګ کړی، خو په خبره یې چارواکي نباید په بېړې دا پرمختګونه " بریاوې" اعلان کړي.