په هلمند کې د طالبانو چارواکي وايي، د ماین چاودنې دوه ماشومان وژلي او یوه ښځه يې ټپي کړې ده.
د دغه ولایت لپاره د طالبانو د اطلاعاتو او کلتور له ریاست څخه په خپره شوې خبرپاڼه راغلي، په دې پېښه کې چې پرون یکشنبه د موسی کلا ولسوالۍ په دوآب کلي کې شوې، یو ماشوم هلک او یوه ماشومه نجلۍ وژل شوي او یوه ښځه ژوبله شوې ده.
د طالبانو تر کنټرول لاندې باختر دولتي اژانس د راپور لهمخې، چاودنه د هغه ماین وه، چې ماشومانو دباندې پیدا کړی او کور ته وړی و.
د دې پېښې د څرنګوالي په اړه نور جزییات نهدي ورکړل شوي.
داپه داسې حال ده چې له دي څو ورځې وړاندې هم په هلمند کې د ماین چاودنې ماشومانو ته مرګژوبله اړولې وه.