د فوټبال نړیوال جام لومړنۍ نیمه پایلوبه د قطر په لوسیل لوبغالي کې د ارجنټاین او کروویشیا ترمنځ پيليږي.
دغه سيالي چې نن(سه شنبه) د کابل پر وخت ماښام اوه نیمې بجې پيليږي د اټکل لهمخې به تر نوي زرو پورې خلک لوبغالي ته د نندارې په پار راشي.
ارجنټاین په کوارټرفاینل کې د هالنډ او کروویشیا د برازیل په ماتولو سره نیمه پایلوبې ته راووتل.
ټاکل شوې ده چې دویمه نیمه پایلوبه به سبا د فرانسې او مراکش ترمنځ ترسره شي.
د دې سیاليو پایلوبه به د ډسمبر میاشتې په اتلسمه نېټه وي.