یونېسف یا د ملګرو ملتونو د ماشومانو وجهي صندوق د پکتیا ولایت په مرکز ګردیز ښار کې د نویو زېږېدلو ماشومانو د پالنې یوه څانګه پرانیسته.
د ملګرو ملتونو دې ادارې پرون په ټویټر کې وویل، د ژمي په رارسېدو سره په ماشومانو کې تنفسي ناروغۍ زیاتېږي چې ښايي د ماشومانو لپاره د مرګ خطر وي.
یونېسف وايي، د دې ادارې د ډاکټرانو او روغتیايي کارکوونکو معاشونه د نړیوال بانک په مرسته ورکول کېږي.
Winter increases the risk of respiratory infections for children. For newborns, this can be life threatening.In Gardez, @UNICEF established a neonatal ward and continues to pay salaries of health workers to provide lifesaving health services in partnership w/ @WorldBankSAsia. pic.twitter.com/liw48vJFgf
— UNICEF Afghanistan (@UNICEFAfg) December 12, 2022
د دغه روغتون يو شمېر مراجعين وايي، چې د اقتصادي ستونزو له امله نهشي کولى خپل کورونه د ماشومانو لپاره ګرم وساتي.
د جان هاپکنز پوهنتون په دې وروستیو کې ویلي چې، په افغانستان کې میندې او ماشومان روغتیايي خدمتونو ته د لاسرسي له پلوه په بد وضعیت کې دي او ښځینه کارکونکي په سختو شرایطو کې کار کوي.