د فوټبال په نړیوال جام کې د ایران د دوهمې لوبې پر مهال نن بیا هم سیاسي مخالفتونو سیوری غوړولی دی.
له ویلز سره د لوبې په پيل کې ایراني لوبغاړو نن ملي سرود بدرګه کړ، په خپله لومړۍ لوبه کې یې چې له انګلستان سره یې شپږ د دوو په وړاندې وبایله، ملي سرود نه و ویلی.
یو شمېر حکومت پلوه کسانو لوبغالي ته د ننوتو پر مهال د ایران تر انقلاب مخکې بیرغونه له لیدونکو واخیستل او هغه کسان یې توهین کړل چې د ایران د اعتراض کوونکو شعارونه یې پر کمېسونو لیکلي و، ښځه، ژوند او ازادي.