د بریتانیا دفاع وزارت نن د نومبر په ۲۳مه د استخباراتو په تازه ورځنیو معلوماتو کې ویلي، ممکن روسيې د تېر سپټمبر راهیسې پر اوکراین د بریدونو په ترڅ کې د ایران جوړو شویو بې پیلوټه الوتکو څخه کار اخیستی وي.
دې وزارت همداراز پر ټوېټر لیکلي، د دې احتمال شته چې روسیې سره د ایران ساخت وسلو زېرمه پای ته رسېدلي وي او اوس يې بیا د اخیستلو په لټه کې وي.
په دې معلوماتو کې زیاته شوې چې روسیې پر اوکراین د خپلو بریدونو په لړ کې د دواړو نویو بې پيلوټه الوتکو او دودیز بیا کارېدونکي سیستمونو څخه کار اخیستی دی.