راپورونه وايي مسکو او تهران پر یوه موافقه سلا شوي چې لهمخې یې روسیې ته زمینه برابرېږي څو په ایران کې ډیزاین شوې بې پېلوټه الوتکې تولید او په اوکراین کې یې د جګړې پر ډګر وکاروي.
د امریکا واشنګټن پوسټ ورځپاڼې وړمه ورځ د درېیو امریکايي چارواکو د مرکو پر اساس چې لهدې موضوع خبر دي، دغه راپور ورکړی دی.
د دوی په وینا دغه موافقه د دې میاشتې په لومړیو کې د یوې کتنې پر مهال نهايي شوې ده.
دغو سرچینو ویلي تهران دا مهال مسکو ته د دغو الوتکو د تولید لپاره د ډیزاینونو او کلیدي پرزو په ورسپارلو بوخت دی.
روسیې د اوکراین د پوځ او ملکي تاسیساتو په وړاندې د ایران ساخت په سلګونو ځانمرګي او جنګي بې پېلوټه الوتکې کارولي دي.