د امریکا متحد ایالتونه وايي، په اوکراین باندې د روسیې په یرغل سره دواړو خواو ته تر ۲۰۰ زرو ډېر پوځيان وژل شوي یا ټپیان دي.
د امریکا د وسلهوالو ځواکونو لوی درستیز جنرال مارک میلي پرون وویل چې، په روانه جګړه کې نږدې سلو زرو روسي او سلو زرو اوکرایني پوځيانو ته مرګژوبله اوښتې.
دا احصایه د اوکراین په جګړه کې د یوه لوېدیځ چارواکي لهخوا د ورکړل شویو تلفاتو تر ټولو لوړه شمېره بلل کېږي.
میلي وویل چې د اوکراین په روانه جګړه کې شاوخوا ۴۰ زره ملکیان هم وژل شوي دي.
تر اوسه دغه احصایه په خپلواکه توګه نه ده تایید شوې.