په پاکستان کې د سلګونه افغانانو د نیول کېدو د راپورونو له خپرېدو وروسته د هېواد پخواني ولسمشر حامدکرزي د دې افغانانو پر نیونه خواشیني ښودلې.
د راپورونو له مخې د پاکستان د سند ایالت پولیسو د ښځو او ماشومانو په ګډون شاوخوا ۱۱۰۰ افغانان د قانوني اسنادو د نه لرلو په تور نیولي دي.
کرزي نن پر خپله فېسبوکپاڼه په یوه بیان کې د پاکستان د حکومت پر چلند خپګان ښودلی او له ملګروملتونو او د بشري حقونو له نورو بنسټونو یې غوښتي دي چې په پاکستان کې د دېره افغان کډوالو د حقونو دفاع وکړي.
د طالبانو حکومت تراوسه په پاکستان کې د دې شمېر افغانانو د نیول کېدو په اړه څه نه دي ویلي.