د روسیې ولسمشر ولادمیر پوتین ادعا وکړه، هغه لویه چاودنه چې په اشغال شوې کریمیا کې د یوه لوی پله د ویجاړېدو سبب شوه یو «تروریستي» عمل و او د اوکراین ځانګړو ادارو تنظیم کړې وه.
دغه پله د روسیې تر اشغال لاندې کریمیا ټاپو وزمه د روسیې له خاورې سره تړلې وه.
پوتین په یوه ویډیويي پیغام کې چې پرون کرملین د خپل ټلګرام په کانال کې خپره کړې ویلي، شک نهشته چې دا د ټروریزم یو عمل دی او هدف یې د یوه خورا مهم ملکي بنسټ ویجاړول و.
هغه دا څرګندونې وروسته له هغې وکړې، چې د روسیې د تحقیقاتي کمېټې له مشر الکساندر باڅریکین سره د شنبې ورځې د چاودنې د موندنو په باب د بحث لپاره وکتل.
د کریمیا دغه پل چې اوږدوالی یې ۱۹ کیلومتره و، ارزښت یې ۳ اعشاریه ۶ ملیارده ډالره ښوول شوی دی.
اوکراین د دې لوی پله د ویجاړولو مسؤلیت نهدی منلی.