په کندهار ښار کې پرون (یکشنبې) ناوخته د طالبانو او داعش وسله والو ترمنځ په نښته کې لږ تر لږه ۵ تنه ووژل شول.
د راپورونو له مخې، په دې نښته کې، چې یو ساعت یې دوام وکړ، د کندهار ښار په دوهمه امنیتي حوزه کې وشوه او په لړ کې یې دوه طالبان او ۳ داعشیان وژل شوي دي.
طالبانو د دې نښتې په اړه د دې خبر د چمتو کېدو تر شېبې څه نه دي ویلي.
که څه هم طالبانو څو څو ځل افغانستان کې د داعش وسله والو د شتون راپورونه رد کړي دي او ويلي يې دي چې دا ډله يې ځپلې ده، خو نړيوالو افغانستان کې د داعش ډلې د ګواښونو په اړه اندېښنې ښودلي دي.