د فنلنډي او نارویژي ساینسپوهانو د څېړنې نتیجه ښيي چې په تېرو ۴۰ کلونو کې د شمالي قطب د تودېدو سرعت د ځمکې د کرې د نورو برخو پرتله څلور برابره زیات و.
د ملګروملتو ساینسي پلاوي د ۲۰۱۹ کال په اقلیمي راپور کې ویلي و چې د شمالي قطب د تودېدو سرعت دوه برابره دی خو د نارویژي او فنلنډي سایسنپوهانو تازه څېړنه ښيي چې څلور برابره دی.
دوی په خپله نوې څېړنه کې ل ۱۹۷۹ څخه د سپوږمکۍ ټول معلومات راټول کړي او څېړلي دي او ورته جوته شوې چې د شمالي قطب د تودوخې درجه د ځمکې د نورو برخو په نسبت په چټکه لوړه شوې ده.