د چین د بهرنیو چارو وزارت نن اعلان وکړ چې سر له دوشنبې به افغانانو ته ویزه ورکوي او پر اته نوي فیصده افغان صادراتو به مالیه نه اخلي.
د چین د بهرنیو چارو د وزارت په بیان کې راغلې دي چې د بهرنیو چارو وزیر وانګ اي دا پرېکړه وروسته تر دې وکړه چې پرون یې په ازبکستان کې د طالبانو د بهرنیو چارو له سرپرست وزیر امیرخان متقي سره خبرې وکړې.
د چین د بهرنیو چارو وزارت په ورته وخت کې پر لویدیځ غږ کړی دی چې پر افغانستان لګېدلي بندیزونه لرې کړي.
چین تر اوسه د طالبانو حکومت په رسمیت نه دی پېژندلی.