ملګري ملتونه وايي په راروان ۲۰۲۳ کال کې به د افغانانو په ګډون له دوه میلیون زیات ماشومان چې نه خپلو اصلي ټاټوبو ته ستنېدلای شي او نه په اوسني ځای کې اوسېدای شي، نویو دایمي کورونو ته اړتیا ولري.
د ملګرو ملتونو د کډوالو د عالي کمېشنرۍ ویاندې شایبې مانټو نن په ژنیو کې وویل سږکال د دې ډلې ماشومانو شمېر ۱،۴۷ ته رسېږي.
هغې زیاته کړه چې د دایمي استوګنې د موندلو لپاره تر ټولو زیاته اړتیا اوس مهال د افریقا او د منځني ختیځ د هېوادونو، سوریې او ورپسې د افغانستان ماشومان لري.
د دې لېست په دوام د کانګو د ډیموکراتیک جمهوریت، جنوبي سودان او میانمار نومونه هم راغلي.