د امریکا ولسمشر جوبایډن، اوکراین ته د داسې پرمختللو راکټي سیسټمونو له چمتو کولو سره موافقه کړې ده چې تر اتیا کیلو مترو پورې لېرې اهداف په ډېر دقت سره ویشتلای شي.
ښاغلي بایډن په یوه لیکنه چې نیویارک ټایمز ورځپاڼې پرون خپره کړه لیکلي، موږ به اوکراین ته د توغندیو دا پرمختللي سیسټمونه او د هغو مهمات ورکړو څو وکولای شي د جګړې په ډګر کې مهم اهداف په دقت سره وولي.
دا په داسې حال کې ده چې په اوکراین کې د روسي ځواکونو پرمختګ دوام لري او هڅه کوي د دنباس د سیمې هغه ساحې لاندې کړي چې د روس پلوو بېلتونپالو تر ولکې لاندې نه دي.