د قرغزستان چارواکي وايي درې کسان د ازبکستان پر سرحد د ډزو په نتیجه کې وژل شوي دي.
د چارواکو په خبره دغه کسان چې د قرغزستان وګړي ښوول شوي هغه وخت ووژل شول، چې د ادعا له مخې د ازبکستان سرحدي ساتونکو د دواړو هېوادونو پر پوله ډزې وکړې.
د ازبکستان چارواکو نن جمعه د قرغزستان د سرحدي ساتونکو د دې راپور په اړه سم د لاسه تبصره نه ده کړې.
راپورونه وايي د قرغزستان او ازبکستان مشران نن جمعه د دې پېښې په اړه خبرې کوي.