په افغانستان کې د ملګروملتونو د ماشومانو د ملاتړ اداره، یونسیف وايي چې په خوست او کونړ کې د پاکستان له لوري په بمبارۍ کې ټولټال ۲۰ ماشومان وژل شوي دي.
د طالبانو او ځايي اوسېدونکو په وینا، د اپریل په ۱۶ مه په خوست کې د پاکستاني الوتکو په بمبارۍ کې تر ۴۰ ډېر او په کونړ کې ۶ تنه وژل شوي دي.
په افغانستان کې د یونسیف استازي محمد اګ ایویا پر خپله ټویټرپاڼه کښلي: "په خوست کې ۱۲ نجونې او ۳ هلکان وژل شوي خو په کونړ کې بیا ۳ نجونې او ۲ هلکان وژل شوي دي."
د ایویا په وینا دا ماشومان داسې مهال وژل شوي چې په خپلو کورونو کې ویده وو
نوموړي دا پېښه بوږنوونکې تراژیدي بللې ده.