د اوکراین له لوی ښار سومي څخه د بشري دهلېز له لارې د ملکیانو وتل نن د درېیمې ورځې په مخه دوام کوي، له دې ښاره ملکیان په داسې حال کې وځي چې اوکراین او روسیې پر یوه اوربند موافقه وکړه.
په همدې حال کې راپورونه ورکړل شوي چې په ماریوپول کې پر یوه زېږنتون په یوه حمله کې درې کسان وژل شوي دي. له سومي ښاره روانه اوونۍ په زرګونو کسان وتلي دي.
د ماریوپول ښاروال پرون وویل، دغه برید کې دغه زېږنتون ډېر ویجاړ شوی او د اوکراین ولسمشر ولادیمیر زلنسکي په یوه ټویټ کې ولیکل چې خلک، ماشومان د نړېدلو دیوالونو تر خاورو خښتو لاندې شوي دي.