د هند د بهرنیو چارو وزارت خبر ورکړی چې افغانستان ته یې د غنمو دویمه محموله استولې ده.
د دغه وزارت ویاند ارېندام باګچي په خپل ټوېټر لیکلي چې دوه زره ټنه غنم د امرتسر له اتاري بندره د جلال اباد په لور واستول شول او ژر به ورسېږي.
Second convoy of India’s humanitarian assistance carrying 2000 MTs of wheat left Attari, Amritsar today for Jalalabad, Afghanistan. This is part of India’s commitment of 50,000 MTs of wheat for the Afghan people and will be distributed by @WFP_Afghanistan. pic.twitter.com/5iDIoN51K7
— Arindam Bagchi (@MEAIndia) March 3, 2022
باګچي ویلي، دا دوه زره ټنه غنم له افغانانو سره د هند د ۵۰ زره ټنه غنمو د مرستې یوه برخه ده.
د هندوستان د بهرنیو چارو وزارت ویاند زیاته کړې چې هېواد یې له افغانانو سره خاصې اړیکې ته متعهده دی.
تردې مخکې د هند د مرسته شوېو غنمو له ډلې لومړۍ جوپه چې دوه نیم زره ټنه وو د فبروري په ۲۶مه نېټه د تورخم له لارې جلال اباد ته ورسېدل.