تمه کېږي، د ملګرو ملتونو امنیت شورا د هغه پرېکړه لیک د مسودې په اړه چې پر اوکراین د روسیې یرغل غندي، د دې سازمان اضطراري عمومي غونډه نن دوشنبې وشي.
امنیت شورا پرون یکشنبې د دې غونډې د جوړېدو غوښتنه کړې وه.
د امنیت شورا په پرونۍ غونډه کې د ۱۵ هېوادونو له ډلې ۱۱ یې د ملګرو ملتونو عمومي غونډې ته د پرېکړه لیک د مسودې د سپارلو په پلوي رایه ورکړه.
روسیې دغه مسوده تېره اوونۍ ویټو یا رد کړې وه .
روسیې د پنجشنبې په ورځ سهار وختي پر اوکراین یرغل پیل کړ چې له امله یې د اوکراین له بېلابېلو ښارونو ډېر خلک کډې کولو ته مجبوره شول.