د افغانستان لپاره د اروپايي ماموریت مشر اندریاس وان برانت (Andreas von Brandt) د نیول شوېو ښځینه فعالانو د خوشې کېدو غوښتنه وکړه.
هغه پرون په ټویټر کې لیکلي، که طالبان په رښتیا هم د افغانانو خوندیتوب ته جدي دي، باید ټولې نیول شوې ښځې خوشې کړي.
“Disappearances” remind us of the worst periods in countries’ history. If the Taliban are serious about the safety of Afghan citizens, the release of all women must happen now ! https://t.co/bEXMOM08H5
— Ambassador von Brandt (@EUAmbAFG) February 7, 2022
تېره اوونۍ دوې معترضې مېرمنې زهراي محمدي او مرسل عیار په کابل کې لادرکه شوې.
تېره میاشت بیا تمنا زریاب پریاني او پروانه ابراهیم خېل او تر هغه مخکې د هرات د ښځينه وو محبس مدیره عالیه عزیزي لادرکه شوي دي.
طالبانو دا نه ده تایید کړې چې دغه ښځې دې د دوی له خوا نیول شوي یا د دوی په توقیف کې وي.
خو د ملګرو ملتونو د مرستندوی ماموریت یوناما په ګډون ګڼو سازمانونو او هېوادونو له طالبانو د دغو ښځو د ځای د تثبیت او خوشې کولو غوښتنه کړې ده.