د جرمني صدراعظم اولاف شولز به نن په سپینه ماڼۍ کې د امریکا له ولسمشر جوبایډن سره وګوري.
دا به د ډسمبر له میاشتې راهیسې چې نوموړي د انګلا مېرکل پرځای د جرمنی د صدراعظم په توګه دنده پیل کړې، له بایډن سره د هغه لومړنۍ کتنه وي.
جرمني د هغه کړکېچ د هواري لپاره چې له اوکراین پولې سره د روسي ځواکونو د ځای پرځای کیدا پرسر راپورته شوی، ډیپلوماټیکې هڅې تیزې کړي دي.
خو یو شمیر لورو پرشولز انتقاد کړی چې ولي یې اوکراین ته د وسلو له لېږلو سره موافقه نه ده کړې.
ښاغلي شولز واشنګټن ته له روانېدو مخکې پرون په برلین کې یو وار بیا ټینګار وکړ چې جرمني به اوکراین ته وسلې ونه لیږي خو زیاته یې کړه چې دا هېواد به تیاری ولري چې د بالتیک هېوادونو ته ځواکونه واستوي.