د افغانستان د کرکټ تر نولسو کلونو کشره لوبډله به نن پنجشنبه (د مرغومي ۳۰مه) د پاکستان پر وړاندې د مسابقې میدان ته راووځي.
دا په وېسټ انډیز کې د کرکټ تر نولسو کلونو د کشرو لوبډلو په نړیوال جام کې د افغانستان دوهمه سیالي ده.
وړمه ورځ (سې شنبې) افغان لوبډلې پاپونیوګینې ته په ۱۳۳ منډو ماتې ورکړه.
د افغانستان او پاکستان د کرکټ تر نولسو کلونو د کشرو لوبډلو سیالي به د افغانستان په وخت د مازدیګر په ۵ بجې د وېسټ انډیز په تاروبا لوبغالي کې پیل شي.
تر نړیوال جام مخکې د پاکستان تر نولسو کلونو کشرې لوبډلې په اسیايي جام کې افغان لوبډلې ته ماتې ورکړې وه.