په ترکیه کې پولي انفلاسیون 'د پیسو پړسوب' په تېرو دوو لسیزو کې تر ټولو لوړ حد ته رسیدلی دی.
د ترکیې د احصایې د انسټیټیوټ د راپور پر بنسټ یوازې په ډسمبر میاشت کې د لومړنیو موادو بیې په سلو کې ۳۶ لوړې شوي دي.
تردې مخکې اقتصادي پوهانو په ترکیه کې په سلو کې ۲۷ د بیو د لوړوالي وړاندوینه کړې وه.
د ۲۰۰۲م زیږدیز کال د سېپټمبر میاشتې راهېسې تراوسه چې د ولسمشر رجب طیب اردوغان ګوند واکمن دی اوس د پیسو پړسوب تر ټولو لوړ حد ته رسیدلی دی.
ترکیه راتلونکی کال د ولسمشرۍ انتخابات کوي، خو له اوس څخه د دې هېواد پر حکومت اقتصادي فشارونه زیات شوي دي.