د افغانستان د مخکېني ولسمشر محمد اشرف غني لومړی مرستیال امرالله صالح وایي، تر هغو چې نظام کورنی او نړیوال مشروعیت پیدا نهکړي، څوک افغانستان کې پانګونې ته زړه نه ښه کوي.
صالح چې د طالبانو سرسخته منتقد دی نن پر خپله فېسبوک پاڼه د بهرنیو اسعارو په ځانګړې توګه د ډالر په وړاندې د افغانیو د ارزښت پر کمېدو هم اندېښنه ښودلې.
ده ویلي، د خصوصي بانکونو سقوط او په ازاد ډول د اسعارو تبادله هغه لاملونه دي چې له مخې یې افغانۍ خپل ارزښت بایللی دی.
د طالبانو کوم چارواکي تر اوسه د ښاغلي صالح د تازه څرګندونو په اړه څه نهدي ویلي.
د طالبانو ویاند ذبیحالله مجاهد بیا ازادي راډیو سره خپله تازه مرکه کې د ډالرو قاچاق، په سوداګریزو معاملو کې تر ډېره د ډالر کارول او له افغانیو کمه استفاده د افغانۍ د کم ارزښته کېدو لاملونه یاد کړي دي.
تېرو دوو اوونیو کې د افغانیو بیه ډېره ولوېده، نن په کابل کې یو ډالر ان تر ۱۲۵ افغانیو تبادله کېده.