د طالبانو حکومت د کورنیو چارو وزارت وايي، د ټولو ولایتونو د امنیه قوماندانیو لپاره به ویاندویان وګماري.
ډېری خبریالان شکایت کوي چې د طالبانو له واکمنېدو سره د بیان ازادي محدوده شوې او طالب چارواکي د موضوعاتو په اړه معلومات نهورکوي.
د طالبانو د کورنیو چارو وزارت ویاند سعید خوستي پرون د ژورنالېستانو د خپلواک انجمن ملي کنفرانس ته وویل، د دوی حکومت د بیان ازادۍ او د رسنیو فعالیت ته ژمن دی او ژر به د ولایتونو امنیه قوماندانیو ته ویاندویان وګومارل شي چې له خبریالانو سره به پر وخت معلومات شریکوي.
د ښاغلي خوستي په وینا حاضر دمه د ۸ ولایتونو امنیه قوماندانۍ ویاندویان لري.