د بخښنې نړیوال سازمان د افغانستان څانګې مشرې سمیرا حمیدي د افغانستان اوسنی وضعیت وېروونکی، د خپګان وړ او د دې په خبره غیر انساني بللی.
هغې دا خبرې پرون په خپل ټویټر لیکلي.
سمیرا حمیدي زیاته کړې په افغانستان کې خلک خپل ماشومان د خوراکي توکو او پیسو لپاره پلوري، بشري حقونه بېمعنی ښکاري او ویلي یې دي چې ۳۵ ملیونه وګړي په دغه هېواد کې یرغمل نیول شوي.
په افغانستان کې د طالبانو په بیا واکمنېدو سره ګڼ افغانان بېدندو شوي او د نړیوالو مرستو په بندېدو سره د هېواد اقتصادي وضعه ورځ تر بلې خرابه بلل شوې.
په ځینو راپورونو کې مخکې راغلي وو چې یو شمېر کورنۍ د خوراکي موادو او پيسو لپاره ماشومان پلوري.
اغلې حمیدي مخکې هم له دې چې ملیونونه افغان نجونې له شپږم ټولګي پورته ښوونځيو ته نهشي تللی د طالبانو په حکومت تُندې نیوکې کړې وې.
د بخښنې نړیوال سازمان د دې مسؤلې د یادو تُندو څرګندونو په غبرګون د طالبانو حکومت تر دې دمه څه نهدي ویلي، خو مخکې د دوی ویاند ذبیحالله مجاهد ویلي و چې د افغانستان وضعه هغومره خرابه نهده چې نړیوال بنسټونهیې تبلیغ کوي.