په قطر کې دېره الجزیره ټلوېزیوني شبکه وايي، د سوډان امنیتي ځواکونو په پلازمېنه خرطوم کې د دوی د دفتر د مشر پر کور چاپه اچولې او نیولی یې دی.
الجزیره ټلوېزیون نن د سوډان لپاره د خپل دفتر د مشر المسلمي الکباشي په باب نور جزئیات ورنهکړل.
دا راپور داسې مهال ورکول کېږي چې د سوډان په پلازمېنه خرطوم کې د خلکو پر یوه لویه ډله د ډزو او اوښلن ګازو د کارونې له کبله پنځه کسان ووژل شول.
په خرطوم او نورو ښارونو کې اعتراض کوونکو د پوځي کودتا په اړه خپل اعتراض څرګند کړ.
د سوډان په زرګونو وګړو د صدراعظم عبدالله حمدوک د کابینې د پرځول کېدو پر خلاف لاریونونه وکړل.
د اکټوبر د ۲۵مې نېټې پوځي کودتا د دې سبب شوه چې لوېدیځ د سوډان لپاره د سلګونو ملیونو ډالرو په ارزښت بشري مرستې کنګل کړي.
سوډان کې له امنیتي ځواکونو سره په شخړو کې تر ۱۰ زیات معترضان مړه او نږدې ۲۰۰ نور ټپیان شوي دي.