د راپورونو له مخې د کندهار، هلمند، هرات، بادغیس او غور ولایتونو مرکزونه د طالبانو لاس ته ولوېدل.
یو شمېر سرچینو ازادي راډیو ته د دغو ولایتونو د مرکزونو د سقوط خبره تأیید کړې ده.
د راپورونو له مخې د کندهار والي او ټول امنیتي مسؤلان ۲۰۵ اتل قول اردو ته په شا شوي او د ولایت ودانۍ او د ښار ټولې برخې له طالبانو سره دي.
د هلمند مرکز لښکرګاه کې هم ټولې دولتي ودانۍ د طالبانو لاس ته لوېدلي او چارواکي د ۲۱۵ میوند قول اردو ته په شا شوي دي.
له هراته هم راپورونه وایي چې امنیتي او نور چارواکي د هرات ۲۰۷ ظفر قول اردو او د دې ولایت هوایي ډګر ته په شا شوي دي.
سرچینو دغهراز د بادغیس د مرکز قلعهنو او د غور د مرکز فېروزکوه د سقوط خبره کړې ده. یو شمېر دغو تېره شپه سقوط کړی.
په دې سره د ټولو هغو ولایتونو د مرکزونو شمېر چې تر اوسه د طالبانو په لاس سقوط شوي، نږدې ۱۵ ته رسېدلي.
د افغانستان د یو شمېر نورو ولایتونو په مرکزونو کې هم د سختې جګړې راپورونه ورکول کېږي.