د کندهار پر احمدشاه بابا هوايي ډګر تېره شپه څو راکټونه ولګېدل. لومړني راپورونه وايي چې د راکټونو د لګېدو له کبله مرګ ژوبله نه ده پېښه شوې.
د احمدشاه بابا هوايي ډګر ريیس مسعود پښتون فرانس پرېس خبري اژانس ته ویلي چې دوه راکټونه د هوايي ډګر پر ځغاستلیکې لګېدلي او له کبله یې ټولې الوتنې لغوه شوي دي.
ده په عین حال کې ویلي چې د ځغاستلیکې د بېرته جوړولو کار پیل شوی او تمه لري چې نن ورځ به بشپړ شي.
کندهار په وروستیو ورځو کې د خونړیو نښتو په میدان بدل شوی چې له کبله یې زرګونه کورنۍ بې ځایه کېدو ته مجبوره شوې دي.