له نشهيي موادو سره د مبارزې عدلي او قضايي مرکز د نشهيي موادو ۷۶ قاچاق کوونکي په مجازاتو محکوم کړل.
د دې مرکز وياند خالد مؤحد ازادي راډيو ته وويل چې دوی د روان کال د سرطان په مياشت کې د نشهيي موادو ۵۱ قضيې څېړلي او د نشهيي موادو قاچاق کوونکي يې له يوه څخه نيولې بیا تر ۳۰ کالو پورې په بند باندې محکوم کړي دي.
د روان کال د سرطان په مياشت کې کابل د ۱۷ او ننګرهار د ۱۰ قضیو په درلودلو سره د هغو ولايتونو د لېست په سر کې راځي چې د نشهيي موادو ډېرې پېښې پهکې ثبت شوې دي.