د امریکا د بهرنیو چارو وزیر د افغان سولې د پروسې او څو نورو مسالو په تړاو د قطر د صدراعظم له مرستیال او بهرنیو چارو وزیر سره خبرې کړي.
انتوني بلېنکن او محمد بن عبدالرحمن بن جاسم ال ثاني بېګا په واشنګټن کې لیدلي.
ښاغلي بلېنکن په خپل ټوېټر لیکلي چې یوه سیاسي حل ته د رسېدو په هدف د افغانستان د سولې د خبرو د چټکتیا لپاره د قطر په سخاوتمندانه ملاتړ، له یمن سره په مرستو او ځینو نورو مسالو باندې له ښاغلي ال ثاني سره وغږېد.
Met today with Deputy PM and Minister of Foreign Affairs @MBA_AlThani_ about Qatar’s generous assistance to the LAF, aid to Yemen, and its support for accelerating Afghanistan peace negotiations to reach a political settlement. We are committed to advancing peace in the region. pic.twitter.com/aVGzBlTjRQ
— Secretary Antony Blinken (@SecBlinken) July 22, 2021
بلېنکن ویلي: "موږ ژمن یو چې په سیمه کې د سولې لمن پراخه کړو."
د قطر پلازمېنه دوحه کې د افغانستان د دولت او طالبانو پلاوي د سولې خبرې مخته وړي.
هلته د امریکا او طالبانو تر منځ د ۲۰۲۰میلادي کال د فبروري په ۲۹مه تړون هم وشو چې پر اساس یې له افغانستانه د امریکايي ځواکونو د بشپړ وتلو پروسه پيل شوه.