د ایران د خوزستان ولایت په بېلابېلو ښارونو کې د اوبو د کموالي په هدف د خلکو اعتراضونو د پنځمې شپې لپاره هم دوام وکړ.
د ازادې اروپا/ ازادي راډيو د ایران څانګې د ځایي سرچینو په حواله ویلي چې د تېرې شپې اعتراضونو پرمهال ډزې اورېدل شوي او امنیتي ځواکونو هم ښارونو کې حضور درلود.
په مظاهرو کې د لږ تر لږه دوه کسانو د وژل کېدو خبر ورکړل شوی، خو نا تائید شوي راپورونه بیا وایي چې څلور تنه وژل شوي دي.
د خوزستان ولایت امنیتي مرستیال ولي الله حیاتي بیا ویلي، مظاهرې سوله ییزې وې، خو ځینې کسان د ده په ټکو په لوی لاس غواړي دخلکو ذهنونه ګډوډ کړي.
په خوزستان ولایت کې سږکال ګرمي ډېره ده او خلک یې د اوبو له جدي کمښت سره مخامخ دي.