د بادغیس والي په قلعهنو ښار کې د افغان ځواکونو او وسلهوالو طالبانو ترمنځ له اوربند خبر ورکوي.
حسامالدین شمس ازادي راډیو ته وویل: "له نن لسو بجو په قلعهنو ښار کې د افغان امنیتي او دفاعي ځواکونو او طالبانو ترمنځ اوربند پیل شوی. هیلهمن یو لکه څنګه چې افغان ځواکونه دې اوربند ته ژمن دي طالبان هم په خپلو ژمنو ودرېږي."
د بادغیس والي وايي، دا اوربند د قومي مشرانو او سپین ږیرو په منځګړیتوب ټینګ شوی.
د وسلهوالو طالبانو ویاند ذبیحالله مجاهد ازادي راډیو ته وویل د کوم اوربند نوم نهشي یادولی، خو یوازې د دې لپاره چې جګړه د ښار لهمنځه ووځي خپل ځواکونهیې شا ته ایستلي.
په قلعهنو باندې په وروستیو لسو ورځو کې د طالبانو د لږترلږه پنځو لویو بریدونو راپور ورکړل شوی و.
هر وار په بریدونو کې دواړه خواو یو بل ته د درنو مرګژوبلو ادعا کړې.
د عامې روغتیا چارواکو بیا ویلي چې د ملکیانو لسګونه جسدونه او ټپیان هم له روانو جګړو د قلعهنو روغتون ته ورانتقال شوي دي.