افغان چارواکي وايي، د تخار ولایت پر مرکز تالقان ښار د طالبانو پرونی برید یې په شا تمبولی دی.
د تخار والي عبدالله قرلق د دې حملو د شنډولو خبر ورکړی او ویلي یې دي چې په دې جګړه کې ۵۵ طالبان وژل شوي او ۹۰ نور ټپیان دي.
په سیمه کې د ازادي راډیو خبریال وايي چې د تالقان ښار په څنډو کې اوس هم د دواړو خواوو ترمنځ جګړه روانه ده.
دی زیاتوي: "جګړه د ښار څنډو ته رارسېدلې ده. تېره ورځ هم د ښار په لوېدیځه برخه کې درنې جګړې وشوې. د تخار امنیتي چارواکي وايي د لوېدیځ لوري تهیې عملیات هم پیل کړي دي او ځینې سیمې یې هم د وسلهوالو طالبانو پاکې کړې دي."
د افغانستان دفاع وزارت هم ویلي چې د تالقان ښار په څنډو کې د طالبانو پر مورچو په هوايي حملو کې د دې ډلې ۱۴ وسلهوال او ۱۵ نور ټپیان شوي دي.
افغان حکومت او طالبان تل یو بل ته د درنو تلفاتو د اړولو ادعاوې کوي، خو د هغو تأیید ګران کار دی ځکه رسنۍ د جګړو سیمو ته لاسرسی نهلري.