د افغانستان لپاره د ملګرو ملتونو ځانګړې استازې ډیبرا لاینز دوحه کې له طالب مرکچیانو سره کتلي دي.
یوناما پر خپله ټویټرپاڼه لیکلي چې په پرونۍ کتنه کې د سولې له بهیره د ملګرو ملتونو پر ملاتړ خبرې شوې دي.
UN envoy @DeborahLyonsUN met Monday with Taliban Negotiating Team in Doha to discuss UN support to peace in #Afghanistan. Peace negotiations should be genuine and prioritized as the only way to end the conflict and bring hope to the Afghan people.
— UNAMA News (@UNAMAnews) July 6, 2021
یوناما وړاندې لیکلي، د سولې خبرې باید ریښتینې وي او د جګړې د پای ته رسولو او هېلو ته د افغانانو د رسیدو لپاره باید لومړیتوب ورکړل شي.
د سولې بین الافغاني خبرې په تېره سېپټمبر میاشت کې په دوحه کې پيل شوي، خو له څو ځل مخامخ کتو او اجنډا جوړېدو پرته په کې بل کوم د پام وړ پرمختګ نه دی شوی.
افغان حکومت طالبان او برعکس طالبان حکومت تورنوي چې خبرو ته صداقت نه لري.