د کاپیسا ځیني امنیتي چارواکي وايي چې د دې ولایت تګاب ولسوالۍ طالبانو نیولې.
یوې امنیتي سرچینې چې د موضوع د حساسیت له کبله نهغواړي خپل هویت افشا کړي ازادي راډیو ته وویل چې طالبان پرون مازیګر له درنې جګړې وروسته د تګاب ولسوالۍ ودانۍ ته ننوتل.
سرچینه زیاتوي چې د ولسوالۍ دفترونه او د ودانۍ شاوخوا اراضي او څو پوځي اډې د دولتي ځواکونو په ولکه کې دي.
د سرچینې په وینا په دې ولسوالۍ کې له طالبانو سره د دولتي ځواکونو سخته جګړه اوس هم روانه ده.