د پکتیکا ولایت امیتي چارواکي وايي، د دې ولایت په دوو ولسوالیو کې د پاکستانیو جنګیالیو په ګډون ۳۵ وسله وال طالبان وژل شوي دي.
د ۲۰۳ تندر قول اردو ویاند ایمل مومند وایي، تېره شپه افغان ځواکونو د پکتیکا ولایت په خوشامند او ګومل ولسوالیو کې هدفمند عملیات ترسره کړي چې په پایله کې د پاکستانیو جنګیالیو په ګډون ۳۵ وسله وال طالبان وژل شوي او ۱۸ تنه نور ټپيان دي.
مومند وایي، په عملیاتو کې یوه اندازه وسلې او مهمات هم د افغان ځواکونو لاسته ورغلي دي.
وسله والو طالبانو تر اوسه په دې اړه تبصره نه ده کړې.