په افغانستان کې د ملګرو ملتونو مرستندوی ماموریت یا یوناما او د بشري حقونو خپلواک کمېسیون په افغانستان کې د روانې جګړې د بندېدو غوښتنه وکړه.
یوناما وايي، د افغان امنیتي ځواکونو او طالبانو په غیرمستقیمو حملو کې د تېرې اوونۍ په درېیو ورځو کې لږ تر لږه ۲۳ ملکیان وژل شوي دي.
دغې ادارې پرون په ټویټر کې لیکلي چې په کندهار، هلمند، ارزګان، سرپل، پروان او کاپیسا کې په دې موده کې یوازې د ۷ ثبت شوېو پېښو په نتیجه کې ۴۹ نور ملکیان ټپیان شوي دي.
At least 23 civilians were killed & 49 inured in just seven recorded incidents that took place over a three-day period last week in Kandahar, Helmand, Uruzgan, Sari Pul, Parwan, & Kapisa. 2/3
— UNAMA News (@UNAMAnews) June 1, 2021
یوناما وايي، د دوی له خوا د ملکیانو زیاته مرګ ژوبله، د تاوتریخوالي د کمولو بېړنۍ اړتیا په ډاګه کوي.
دغې ادارې له ټولو خواوو غوښتنه کړې چې د ملکیانو د خوندیتوب لپاره اضافي اقدامات وکړي.
د بشري حقونو خپلواک کمېسیون هم پرون سې شنبه (د غبرګولي ۱۱مه) د ماشومانو نړیوالې ورځې په مناسبت د جګړې له ښکېل لوریو غوښتنه کړې چې د ماشومانو د ملاتړ او د هغوی د ژوند حق د خوندیتوب لپاره اوربند وکړ او جګړه ودروي.