په کابل کې د جرمني سفارت وايي، په افغانستان کې په ۲۰۲۰میلادي کال د ملکي تلفاتو ۳۰ فیصده یې ماشومان وو.
دغه سفارت پرون سې شنبه (د غبرګولي ۱۱مه) د ماشومانو نړیوالې ورځې په مناسبت په یوه ټویټ کې ویلي، دغه ورځ د ماشومانو د خوندیتوب او دفاع لپاره د پوهاوي په نیت لمانځل کېږي.
Today%27s Int%27l #ChildrensDay2021 raises awareness on the protection & defense of children. In 2020, 30% of civ casualties in #Afghanistan were children. Children are the future - let%27s wish them an amazing #ChildrensDay2021 👧👦💛& ensure their future protection. #EveryLastChild https://t.co/f4VNM5X6ld
— Germany in Afghanistan (@GermanyinAFG) June 1, 2021
د جرمني سفارت وايي، ماشومان، د هېوادونو راتلونکي دي او په کار ده د دوی د راتلونکي خوندیتوب یقیني شي.
سفارت د یوې نظرپوښتنې جزییات هم خپاره کړي چې پر ښوونځیو له تازه حملو وروسته د ۱۱۴۰۰پوښتل شوېو کسانو له ډلې په سلو کې ۵۲ برخوالو ویلي، دوی په ښوونځیو او پوهنتونونو کې ځانونه خوندي نه احساسوي.
تېره میلادي میاشت په لوګر کې د دوولسمو ټولګیو پر فارغانو او د کابل په دشت برچي سیمه کې د سید الشهدا ښوونځي پر زده کوونکو خونړۍحملې شوې وې.