د افغانستان دفاع وزارت وایي، هلمند کې یې د القاعده شبکې ۱۳ غړي وژلي دي.
دغه وزارت په یوه خبرپاڼه کې ویلي چې پر دې کسانو پرون دوشنبه (د غبرګولي په ۳مه) له غرمې وروسته د خانشین ولسوالۍ په پوپلزو سیمه کې هدفي عملیات وشول.
د فاع وزارت ویلي، د القاعده دا غړي د دې شبکې د هند د نیمې لوې وچې له څانګې څخه وو چې د ماینونو په جوړولو کې یې مهارت درلود او سخت دریځو ته یې د دشپې لید په اړه روزنه ورکوله.
د دې خبر نور جزئیات نه دي خپاره شوي او خپلواکو سرچینو هم تراوسه په دې اړه څه نه دي ویلي.
له دې وړاندې بیا طالبانو په وار-وار ویلي چې افغانستان کې د القاعده غړي اوس فعالیت نه لري.