د افغانستان د سولې لپاره د امریکا ځانګړي استازي زلمي خلیلزاد د اختر په درې ورځو کې د اوربند هرکلی کړی او د دایمي اوربند غوښتنه یې کړې ده.
ښاغلي خلیلزاد په ټویټر کې د سولې د خبرو په سرعت ټینګار کړی، څو د ده په وینا دا بې معنی جګړه پای ته ورسېږي.
2/2 But Afghans deserve much more: a political settlement & a permanent ceasefire. We therefore urge accelerated negotiations among Afghans on a political settlement and an end to this senseless war. This is what the Afghan people yearn for. The United States stands with them.
— U.S. Special Representative Zalmay Khalilzad (@US4AfghanPeace) May 10, 2021
تر دې مخکې د امریکا د بهرنیو چارو د وزارت ویاند نېډ پرایس په واشنګټن کې د دوشنبې په ورځ خبري غونډې ته د خبرو پر مهال د اختر د درې ورځني اوربند هرکلی وکړ او له طالبانو یې وغوښتل چې دا اوربند وغځوي.
ښاغلي پرایس له طالبانو او افغان مشرانو وغوښتل چې په جدي توګه د سولې په بهیر کې ښکېل شي، څو په راتلونکي کې افغانان د ترهګرۍ له شره خلاص شي او له بې مفهومه تاوتریخوالي پرته ژوند وکړي.