د افغانستان دفاع وزارت وايي، د مولوي رحم الدین په نوم د وسله والو طالبانو یو مهم قوماندان په هلمند کې وژل شوی.
د دفاع وزارت مرستیال ویاند فواد امان دوشنبه ناوخته په خپل ټوېټر باندې لیکلي چې مولوي رحم الدین د لښکرګاه شااوخوا جګړه رهبري کوله چې په یوه هوايي برید کې ووژل شو.
Mawlavi Rahmuddin, a senior #Taliban commander who led the war in outskirts of Lashkar Gah, #Helmand provincial center was killed as a result of an airstrike today. pic.twitter.com/cRFN4cvt5t
— Fawad Aman (@FawadAman2) May 3, 2021
پرون او وړمه ورځ د هلمند د مرکز لښکرګاه شااوخوا څو سیمو کې د افغان پوځیانو او طالبانو سختې جګړې روانې وې.
د افغانستان دفاع وزارت دا هم ویلي چې هلمند ته یې تازه دمي کمانډو ځواکونه استولي او وسله وال طالبان پرمختګ ته نه پرېږدي.
وسله والو طالبانو تر دوشنبې ناوخته په هلمند کې د ور اوښتې مرګژوبلې او جګړې په اړه څه نه و ویلي.