په کابل کې د پاکستان سفیر وایي چې د افغانستان د سولې لپاره د امریکا له ځانګړي استازي سره یې په وروستۍ کتنه کې هغه ته ډاډ ورکړی چې هېواد یې د افغانستان د سولې د پروسې بشپړ ملاتړ کوي.
منصوراحمد خان د دې کتنې په اړه نن یکشنبه (د وري ۲۲مه) په یوه ټویټ کې لیکلي چې له زلمي خلیلزاد سره یې د ترکیې د راتلونکې غونډې په ګډون په افغانستان کې د سولې د پرمختګونو پرلارو چارو خبرې وکړې.
Called on US Special Envoy on Afghan Reconciliation H.E. Zalmay Khalilzad and discussed way forward in the Afghan peace process including Turkey meeting. @PakistaninAfg @US4AfghanPeace @AmbassadorSadiq pic.twitter.com/mW7N2mWgdi
— Mansoor Ahmad Khan (@ambmansoorkhan) April 11, 2021
پاکستان چې د افغانستان په مسئله کې یو مهم لوبغاړی بلل کیږي، چارواکو یې له دې مخکې هم ورته څرګندونې کړې او ویلې یې دي چې د افغانستان د دولت او طالبانو ترمنځ مخامخ خبرو ته د زمینې په برابرولو کې یې مهم رول لوبولای دی.