شهزاده چارلز وايي، شاهي کورنۍ د شهزاده فیلیپ تر مړینې وروسته د نړۍ په بېلابېلو برخو کې د خلکو د ملاتړ له کبله منندویه ده.
شهزاده چارلز چې د بریتانیا د تخت او تاج وارث ګڼل کېږي، پرون شنبه )د وري ۲۱مه) په یوه اعلامیه کې وویل، پلار یې یو ځانګړی شخصیت و.
ده د فیلیپ د مړینې په تړاو د خلکو د خواخوږۍ مننه وکړه.
شهزاده فیلیپ چې د دویمې الیزابت خاوند دی، د ۹۹ کلونو په عمر تېره جمعه له دې نړۍ سترګې پټې کړې.
بکینګهم ماڼۍ ویلي، خاورو ته د شهزاده فیلیپ د سپارلو مراسم به را روانه شنبه په خصوصي ډول ترسره شي.