د روسیې د دفاعي صنعت یو مشر چې ادعا کېږي استخباراتي مامور هم دی، د امریکا د فدرالي تحقیقاتي ادارې 'اېف.بي.ای' له لوري د امریکا له یوې هوايي کمپنۍ څخه د تجارتي اسرارو د پټولو د ادعا په خاطر په تور لېست کې شامل شو.
'اېف.بي.ای' پرون جمعه(د وري ۱۳مه) پرخپله ټویټر پاڼه لیکلي چې د ۵۸ کلن الکساندر کورشونکوف د نیولو هڅه کوي او پرده شک دی چې له کمپنۍ څخه یې د روسیې په ګټه د تجارتي اسرارو د غلا کولو دسیسه کړې ده.
Alexander Yuryevich Korshunov allegedly conspired to steal trade secrets from an American aviation company to benefit Russia. If you have information about Korshunov, contact your local #FBI office or the nearest U.S. Embassy or Consulate. https://t.co/YLi09Ct0pK pic.twitter.com/hmb14ppEHX
— FBI (@FBI) April 2, 2021
'اېف.بي.ای' وايي، کورشونکوف د روسیې په یوناټېد انجن کمپنۍ کې چې د الوتکو یوه دولتي کمپنۍ ده، کار کاوه او د دې ترڅنګ یې د روسیې د بهرنیو استخباراتي خدماتو لپاره د استخباراتي مامور په توګه دنده لرله.
د امریکا د فدرالي تحقیقاتو اداره وايي، یونایټېډ انجن کمپنۍ په ۲۰۰۹ میلادي کال کورشونکوف د خرڅلاو او بازار موندنې رئیس وګوماره.
د ده دنده دا وه چې د لوېدیځ د الوتکو شرکتونه وهڅوي چې له یوناټېډ انجن کمپنۍ سره کار وکړي چې د روسیې هوايي ټکنالوژي وده وکړي.
'اېف.بي.ای' دا هم ویلي چې کورشونکوف د ۲۰۱۳ او ۲۰۱۸ کلونو ترمنځ د امریکا د الوتکو له شرکتونو څخه د پټو معلوماتو د غلا کولو هڅې کړي او همدا راز یې د هوايي صنعت امریکايي انجینران د روسیې د پي ډي ۱۴ ایرو انجن د بیا ډیزاین کولو لپاره کرایه کړي دي.
خو د کورشونکوف مدافع وکیل تاس خبري اژانس ته ویلي، مؤکل یې د ۲۰۲۰ په دوبي کې د روسیې د پولیسو له لوري مسکو ته ستون کړل شوی.
د تاس اژانس پر اساس، روسي چارواکي وايي کورشونکوف یې د دې لپاره نیوه چې د درغلیو او جعلکاریو تورونو ته ځواب ووايي.