د چک جمهوریت د برنو سیمه ییزې محکمې یو سړی په دې خاطر په ۶ کاله بند محکوم کړ چې په نیوزیلنډ کې یې پر جوماتونو د ۲۰۱۹ کال حمله ستایلې وه.
محکمې ویلي چې دغه کس په یوه انلاین بحث کې په نیوزیلنډ کې د مسلمانانو پر دوو جوماتونو د حملې دفاع کړې وه او په دې توګه یې د ترورېزم د ترویج هڅه کړې ده.
د ۲۰۱۹ په مارچ کې یوه ښي اړخي اسټرالیايي سختدریځي د نیوزیلنډ په کریست چرچ ښار کې پر دوو جوماتونو حمله وکړه او ۵۰ تنه ماشومان، ښځې او سړي یې ووژل.