د بریتانیا د بهرنیو چارو وزیر ډومنیک راب وايي، د امریکا او درېيو اروپايي هېوادونو د بهرنیوچارو وزیرانو د ایران او یمن په اړه خبرې کړي.
راب پرون سې شنبه(د وري ۳مه) پر خپله ټویټر پاڼه کې کښلي، بریتانیا، امریکا، فرانسه او جرمني په یمن کې د سولې د هلوځلو او پر یوه اټمي قدرت د ایران د بدلېدو د مخنیوي په اړه یوه بل ته اوږه ورکړې ده.
راب دا خبره د امریکا له بهرنیو چارو وزیر انتوني بلېنکن سره د اروپايي هېوادونو د بهرنیو چارو وزیرانو له کتنې وروسته خپره کړه.