د روغتیا نړیوال سازمان د افغان استادانو لپاره د کرونا ضد واکسین د تطبیق بهیر د پیلېدو ستاینه وکړه.
د افغانستان د عامې روغتیا وزارت تېره ورځ د دغه بهیر د پیل خبر ورکړی وو.
تمه ده دې بهیر کې د ښوونځیو او پوهنتونونو څلور زره استادانو ته د کرونا ضد واکسین تطبیق شي.
د روغتیا نړیوال سازمان 'ډبلیو.اېچ.او' تېره ورځ پرخپله ټویټرپاڼه ولیکل چې د افغانستان له لوري دا اقدام په ښه وخت کې پیل شوی ځکه راتلونکې اوونۍ دې هېواد کې ښوونځي نوی تعلیمې کال پیلوي.
New milestone alert 🚨Afghanistan has started #COVID19 #vaccination for #teachers from today. This comes just in time before schools reopen next week. Congratulations to @mophofficial, @MoEAfghanistan and #COVAX partners. #VaccinesWork @gavi @CEPIvaccines @UNICEFAfg pic.twitter.com/4ZynSIRpH7
— WHO Afghanistan (@WHOAfghanistan) March 16, 2021
د افغانستان د عامې روغتیا وزارت د شمېرو له مخې تراوسه ۴۵ زره کسانو ته په دې هېواد کې د کرونا ضد واکسین تطبیق شوی دی.
په افغانستان کې د اسټرازینیکا واکسین چې د هند او بریتانیا ګډ تولید دی، تطبیقېږي.
نوي ډهلي دا واکسین له افغانستان سره مرسته کړې ده.