یونسکو یا د ملګرو ملتونو علمي او کلتوري سازمان په بامیان کې د بودا مجسمو د ړنګېدو د شلمې کلیزې په مناسبت ویلي چې د کلتوري میراثونو د خوندیتوب په برخه کې د افغانستان د خلکو ملاتړ کوي.
دغه سازمان تېرماښام پر خپله ټویټرپاڼه لیکلي چې د بودا مجسمو د نړولو غمیزې دا روښانه کړه چې د نړۍ په سطح تر خطر لاندې کلتوري اثارود خوندیتوب اړتیا شته.
2⃣0⃣ years ago we watched in horror as the 2 standing Bamiyan Buddhas in 🇦🇫 were reduced to rubble. Our planet 🌎 lost centuries of history & cultural heritage.Read more on this @UNESCO #WorldHeritage site: https://t.co/eNpdaWpscg #ProtectHeritage pic.twitter.com/0EpFt41rvH
— UNESCO 🏛️ #Education #Sciences #Culture 🇺🇳😷 (@UNESCO) March 11, 2021
یونسکو زیاتوي، د افغانستان په بامیان ولایت کې په قصدي ډول د دې لرغوني میراث له منځه وړل د یوې تُندلاري ایډیالوژۍ څرګندويې کوي چې هدف یې د یوه کلتور، هویت او تاریخ له منځه وړل دي او ښیې چې څنګه د یوه میراث تخریبول د سیمه ییزو خلکو پر وړاندې د یوې وسلې په توګه کارول کېږي.
طالبانو ۲۰ کاله مخکې د ۱۳۷۹ کال د کب په ۲۱مه په بامیان ولایت کې د بودا دوه سترې مجسمې چې یوې یې ۵۵ او بلې یې ۳۵ متره لوړوالی درلود ونړولې چې دا کار یې د نړیوالو له پراخ مخالفت سره مخ شو.